Davao City – Gipaniguro sa mga magtutudlo partikular na sa Sta. Ana National High School, Davao City, nga mamahimong hapsay ang distribusyon sa modules sa mga estudyante alang sa pagsugod sa klase.
Sa interbyu sa DXDC RMN Davao kang Reynaldo Pardillo, magtutudlo sa maong eskwelahan gibutyag niini nga nagbaton na’g orientation ang mga teachers kung unsaon paghatag ang mga modules labi na sa mga areas nga taas ang risgo gumikan sa coronavirus disease 2019 (COVID-19).
“So far, we are not allowing our students to come in our school. Ang mga ginikanan lang gyud ang gipakuha namo (sa modules). Then, naay protocol nga ginasubay ang amoang eskwelahan,” matud ni Pardillo.
Dugang ni Pardillo, andam na sila sa abri-klase sa Oktubre 5 ning tuiga alang sa face-to-face classes hangtud nga wala pay bakuna ug dili pa luwas ang publiko batok sa COVID-19.
RadyoMaN Kirby Manzon
