Roxas City, Capiz- Ginkumpirmar ni City Comelec Officer Atty. Joemar Betita nga nagdihon na sang pormal nga sulat si Mrs. Jocelyn Asis nga ini ang nakahanda nga magtal-os sa pagpapili sa nagtaliwan nga bana nga si Punong Barangay Elvis Asis sa pagka-kapitan sang Brgy. Lawaan.
Ini ang ginbaton naman sang opisina sang City Comelec Office kag gilayon nga igapadala sa law department sang Comelec subject for approval.
Nagalaom naman si Atty. Joemar Betita nga maaktohan sa gilayon ang amo nga bagay antes ang pag-umpisa sang campaign period sa Mayo 4.
Nahibaloan nga sa una nga interview sang RMN-Roxas kay Comelec Provincial Supervisor Atty. Wil Arceño, base sa Omnibus Election Code wala sang existing guidelines para sa substitution para sa napatay nga kandidato sa SK kag Barangay Election.
