General Santos City—patay human misukol sa kapulisan ang usa ka Jeffrey Diquito, legal age, nga taga cabe Sub., Barangay Bula, Gensan, kansa target sa gihimong search warrant operation sa Police Station 6, alas 11:00 ang takna sa gabie.
Sa report sa Police Station 6., i-serve lang unta sa kapulisan ang search warrant batok sa suspek kalabutan sa iligal nga droga ug pusil apan misukol ang nasampit pinaagi sa pagpabuto sa iyang pusil duha ka higayon ngadto sa kapulisan mao nga napugos ang mga police sa pagpusil ngadto kaniya.
Nakaangkon ug samad sa iyang lawas ang nasampit nga hinungdan sa iyang kamatayon. Nasayran nga gidala pa sa Dr. Jorge Royeca Hospital ang suspek apan gideklara kining dead on arrival.
Nasayran nga dugay nang target sa operasyon sa kapulisan ang suspek apan idlas ug lisod madakpan gumikan police ra usab ang iyang gibantayan apan kagabie wala na gyud kalingkawas ang nasampit dihang nakorner sa kapulisan.
