Pagadian City – Miabot na sa 40,862 priority healthcare workers ug frontliners ang natuslokan og bakuna batok sa Covid-19 sa Zamboanga Peninsula.
Sumala sa Department of Health Zamboanga Peninsula- Center for Health Development, mosubra na sa 40,000 mga frontliners sa tibuok Rehiyon ang natuslokan sa unang dose sa bakuna samtang halos 18,000 sa moang ihap ang nakadawat na ikaduhang dose sa Covid-19 vaccine.
Sa datos sa DOH-IX, nag-una ang dakbayan sa Zamboanga sa tibuok Rehiyon nga adunay pinakadaghang nabakunahan kontra Covid-19.
Anaa na usab sa 11,436 ka frontliners ang gikan sa Zamboanga ang nabakunahan batok sa maong virus samtang 11,089 usab ang nabakunahan sa probinsya ng Zamboanga del Norte; 10,262 ang sa Zamboanga del Sur; 6,758 ang sa Zamboanga Sibugay, 1,086 ang sa syudad sa Isabela sa Basilan ug 231 ang sa Sulu Sanitarium.
