Davao City – Dili kalapasan sa Anti-Subversion Law ang pagsaway sa hiwing binuhatan sa gobyerno tungod kay iya kining katungod isip progresibong pagpadayag.
Gitin-aw ni Department of Interior and Local Government (DILG-XI) Regional Director Alex Roldan nga ang kalapasan mao kadtong pagpang-agni sa uban nga mokuyog ug maghimu’g mga lakang aron lumpagon ang gobyerno ilabi na pinaagi sa armed struggle kun armadong pakigbisog.
Matud ni Roldan, dili molahutay ang armadong rebolusyon sa kabukiran kung walay suporta gikan sa mga legal front organization.
Giklaro usab ni Roldan nga wala mahanaw ang Anti-Subversion Law anglit anaa kini sa batakang balaud apan ang gihimo lamang niini mao ang paghimo ug igong basihan alang sa implementasyon ning maong maisogong matang sa patakaran.
RadyoMaN Bernard Pantallon
