Suegro ya mata consu yerno, ta enfrenta caso

Ta enfrenta ahora caso del murder el un retirao pulis quien responsable na matansa consu yerno na Veterans Avenue del Sabado medio dia.
Caso de murder amo ta prepara el maga pulis contra con Abdulmiri Jamili y Asa, 65, anio de edad.
Con Jamili ya aresta el maga pulis durante el hot pursuit operation despues de tira consu yerno mientras junto consu esposa ta compra piesa de radiator serca lang na Zamboanga City Medical Center.
Asegun contra na gusto di Jamili el relacion del su anac quien un nurse mientras el victima un high school graduate solamente.
Maga pulis ya recobri tambien el pusil, motor y jacket del suspechao durante su aresto.