Diyos marhay na aga saindo mga paradangog kan DWNX…
Mainit na po ang panahon, siring sa pag init kan issue manongod sa pag
withdraw kan Malacanang sa membership sa Rome Statute na nag establisir kan
International Criminal Court. Ini po mismo ang saro sa itinutukdo ko sa mga
law students sa subject na Public International Law. Sa mga masunod na
panahon, baka maimbitaran ta ang saro sa mga estudyante ko para iyo ang
magpahayag sa bagay na yan. Baka po mas matibay pa ang law students ko sa
UNC kesa sa mga abogado sa Malacanang pag abot sa International Law.
Panamit lang po, igwang saro pang Treaty na pinimahan ang Pilipinas kan
1969, ang Vienna Convention on the Law of Treaties na nagbabawal sa
signatory sa sarong treaty, o sa dating miembro maski sa bakong miembro o
signatory, na mag atake sa pinirmahang treaty pag ang treaty na yan
manongod sa customary international law lalo sa inaapod na peremptory norm
o jus cogens pertaining sa human rights.
Ngonian na aga, totokaron ta ang text kan saro sa mga paradangog ta:
“saro akong empleyado kan gobyerno, parabulang ako, alagad nagpondo na ta
bawal daa sabi ni president Duterte. Hapot ko lang, igwa ning ley kaini?
Pati elected officials bawal man magbulang?
Maray po na mapag-olayan ang bagay na ini. Taano po?
Ang sugal sa Pilipinas nagpuon pa kan 16th century. Pero bakong boot
sabihon na haloy na ini, na ini tama. Recently, nag pa anunsyo nanggad ang
Malacanang na bawal sa mga public officials and employees ang maglaog sa
mga casino. Pero ang bagay na ini bako pong bago sa administrasyon lang na
ini. Taano po ta nasabi ta yan?
Igwa po ning RA 6713 na naging ley kan 1989 pa. sabi sa Section 2 kaini,
policy kan Estado o gobyerno na i-promote ang halangkaw na standard ning
ethics sa public service, na ang Public officials and employees sag abos na
oras dapat may paninimbagan sa mga tao, na dapat sinda magibo kan saindang
mga duties na may sagad-sagad na sense of responsibility, ning integridad,
ning pagiging matibay o competent sa trabaho, ning loyalty sa ley asin, sa
institusyon kan gobyerno asin sa publiko bako po sa superiors ninda, na ang
public officials and employees dapat mag akto na may patriotism o
pagkamakabayan saka ning may hustisya o fair play sa kapwa, na sinda dapat
igwang modest lives o itong mayong luho, simple sana, saka sinda matindog
para sa interes lang kan publiko asin bako sa personal interest.
Igwa man ning PD 1067-B na naging ley kan 1977 pa. Sabi kan ley na ini, ang
minasunod na persona bawal sa laog kan mga gambling areas na regulated kan
PAGCOR:
(a) Government officials na connected directly sa operation kan gobyerno o
arin man na ahensya kan gobyerno.
(b) Mga miembro kan Armed Forces of the Philippines.
(c) persons na under 21 years old saka mga students ning arin man na
eskwelahan sa Pilipinas dawa pa labi 21 years old na.
igwa ning EO 292, ang Administrative Code po yan kan Pilipinas na
nagkokonsidera sa gambling bilang prohibido kan ley para sa mga public
officials and employees, sarong administrative offense na conduct
prejudicial to the best interest of the service, ang penalty is dismissal.
Sabi man kan Supreme Court sa kasong Tienzo vs. Florendo decided kan 2007,
Ang sugal sarong nakakadanyar na gawi, aki daa ini ning pagiging mahinugak
saka ang sugal daa nakakaproducir ning mas pang mga bisyo saka immorality,
nakakaraot sa best interests of society, nakaka encourage ning pagsasayang,
pagiging waldas. Ang sugal nagkakawsa ning poverty, ning dishonesty, ning
panloloko sa kapwa. Sabi pa kan Korte Suprema, kadakul ng nagpabaya sa
negosyo asin pamilya, nagsangra ning integridad, ning dignidad. Maski mga
babaeng parasugal sinayang ang oras saka ang pagkababae ninda siring man
mga marital relations and mga aki piglingawan dahil sa sugal. Sarong porma
daa po ini ning addiction.
Sabi pa sa desisyon, ang gambling napasiring sa graft o pagkurakot sa
gobyerno o pag gamit ning posisyon para magkakwarta. Kaya po daa yaon ang
Republic Act No. 6713, also known as The Code of Conduct and Ethical
Standards for Public Officials and Employees, para minitinihon ang high
standard of ethics and responsibility sa public service.
Ano po kabali sa binabawalan ang mga elected officials? Iyo po. Pig klaro
ini kan DILG Memo Circular No. 2017-20 na pig issue kan February 2, 2017.
Sabi kan Circular, puon sa governors hasta sa barangay officials, pati na
ang gabos na LGU personnel and employees, bawal maglaog o dawa maheling
lang sa laog kan CASINOS unless sinda nasa performance kan saindang regular
functions halimbawa nagpapaotob kan mga ordinansa o ley.
Sa bagong EO No. 13 na pig issue kan February 2, 2017, dawa bakong sa
casino ang sugal, sain man na sugalan na illegal, puede makasuhan ang
public officials and employees, puede matanggal sa trabaho. Ang mga legal
na sugalan puede magkomitir ning illegal na pasugal kun ini dai uyon sa mga
regulations kan ordinansa o ley. Kung nagbulang baga ngaya kamo sa legal na
bulangan sa aldaw na dai man tugot kan ordinansa o prangkisa, may problema
po kamo.
Dahil may published na directive po ang Presidente sa PNP and iba pang law
enforcement agencies na arestuhon kamo sa paglaog sa mga sugalan dawa sa
mga legal na pasugalan, may nagkukuwestyon kaini ta bako man daa ini
criminally punishable kundi administrative case lang kun sain mayo man nin
dapat na aresto. Tutuo man yan sa mga legal na pasugalan, Pero possible po
na gamiton kan PNP ang provision kan RA 9287 tungkol sa illegal numbers
game arog kan jueteng. Pano po ini puede gamiton laban saindo para lang
kamo maaresto? Sabi sa Sec. 4, ang Possession of Gambling Paraphernalia or
Materials. used sa illegal numbers game operation sarong prima facie
evidence na kamo imbwelto sa jueteng. Pag arog kayan, puede kamo arestuhon
asin ikulong. Sana dai man gibohon na planting of evidence para lang kamo
maaresto. Pero kung tutuong nagtataya kamo o nagpapataya sa jueteng, may
poder ang PNP na arestuhon kamo pag in possession kayan.
Ayan po. Sana nakadagdag kita sa saindong kaaraman sa ley. Para sa mga
hapot na legal, magtext or call sa numbers kan DWNX.
Bago ako magpaaram, satong aramon ang tataramon kan Diyos manongod sa sugal
asin pagkamoot sa kwarta. Whether or not public official ka o ordinaryong
pribadong tao. Sabi po kan Diyos, ang satong kwarta o yaman dapat maghali
sa sadiring pagal o higos, hali sa matanos/honestong trabaho. Dai dapat
makua sa graft and corruption, dai dapat maghali sap ag gamit kan poder,
dawa Presidente ka man na nagyayaman dahil sa mga deals o dawa janitor ka
na nag iikit man ning mga gamit panglinig. Sabi sa bible sa –
Proverbs 13:11 – Wealth [gotten] by vanity shall be diminished: but he that
gathereth by labour shall increase.
Ang mawot tang magkaiwa ning material wealth, ang pagiging maluho, ang
padawot na magkaigwa ning material comfort sa buhay dawa dai ta kaya,
nagiging dakulang kasalan sa Diyos, sabi sa –
1 Timothy 6:10 – For the love of money is the root of all evil: which while
some coveted after, they have erred from the faith, and pierced themselves
through with many sorrows.
Sa lunes, abangan ang discussion tungkol sa ley sa pag withdraw kan
Malacanang sa International Criminal Court asin kung ano ang epekto kaini
sa mga ordinaryong Pilipino.
God bless you all.
Ini po si Atty Angel Ojastro III
Aramon an saindong derecho, INI AN LEY!!!
photocredit: MyWay
