General Santos City—laing suspek na usab sa pagpapayuhot sa iligal nga droga ang nasikop sa operatiba sa PDEA Regional Office-12, atol sa gihimong search operation sa Tampakan, South Cotabato, sa nakalabyang adlaw.
Ang suspek nailhang si Artemio Manila y Bersabal, 55, minyo, driver ug residenti sa nasampit nga lugar.
Alas 10:25 ang takna sa gabie dihang gihimo sa elemento sa PDEA -12 ilawom sa superbisyon ni Regional Director Gil Cesario Castro ang search warrant operation sa San Juan, Pag–asa, Brgy. Poblacion, Tampakan nga miresulta sa pagkasikop sa nahisgutan human kining nakuhaan ug (2) ka gramo sa gituohang shabu nga nagkantidad ug P10,000.00.
Sumala sa PDEA nga dugay nang gipailawoms a surveillance ang suspek ug dihang nakumperma ang report, gilayon nilang gihimo ang operasyon. Nasayran nga si Manila lambigit usab sa illegal nga sugal.
Kasong kalapasan sa Section 11 (Possession of Illegal Drugs) sa Article II ilawom sa Republic Act 9165, (Comprehensive Dangerous Drugs Act of 2002) ang atubangon sa suspek kansa balhog karon sa PDEA-12 Detention Facility.
Photo Credit to PDEA Socksargen
