Tradisyonal nga dragon ug lion dance, fortune-telling, cooking ug Chinese tea-drinking nga seremonya ug ubang kabahin sa kultura sa mga Chinese gipaambit atol sa usa ka adlaw nga kalihukan nga gitawag ug Sugbu-Chinoy Day 2018 dha sa kapitolyo sa niaging adlaw .
Subay kini sa mga kalihukan sa pagsaulog sa Chinese New Year aron mapakita sa mga Sugbuanon ang tradisyon ug kultura sa China ingon man ang impluwensiya sa mga Chinese dinhi sa Sugbu.
Si Gobernador Junjun Davide ug Bise Gobernador Agnes Magpale personal nga nisugat sa tradisyonal nga dragon ug lion dance nga nisuroy usab sa Executive ug Legislative building sud sa compound sa kapitolyo.
Ang maong kalihukan gisaksihan usab mismo ni Chinese Consul General Shi Yong .
Una niini , sa sayong selebrasyon nga gi-host sa Chinese Consulate sa Sugbu alang sa New Year nga selebrasyon gihulagway ni Shi nga ang 2018 mahimong dakung oportunidad alang sa mas paglambo pa sa maayong relasyon sa Pilipinas ug China .
