Daku ang tsansa nga mohimo ug ikatulo nga landfall si bagyong Samuel sa Sugbu sa sayong bahin sa adlaw nga Miyerkoles , Nobyembre 21 .
Matud sa hepe sa Pag-asa Mactan , DOST Visayas , Engr. Al Quiblat taas ang tsansa nga mopadool usab sa yuta sa Sugbu ang bagyo ,human kini makalandfall sa Caraga Region ug Bohol ug motadlas na paingon sa Central Cebu .
Karong hapon gipaabot nga mapaubos na sa tropical cyclone warning signal ang Sugbu ug magsugod na kini ug sinati ug mga pag-uwan .
Gipasidaan usab ni Quiblat nga sa mosunod nga 36 oras ang Sugbu makasinati ug light to moderate nga uwan hangtud na sa pagpadool ni bagyong Samuel .
Subay niini ang lalawigan sa Sugbu, ang kagamhanan sa lalawigan sa Sugbu nipasalig nga aduna pa silay P56 milyones nga calamity fund nga magamit dayon kung unsa may mahimong epekto sa bagyo dinhi sa Sugbu .
Ang mga nagkadaiyang ahensiya sa gobyerno sa rehiyon siyete nihimo na ug pre-disaster risk assessment sa umaabot nga bagyo .
Ang Philippine Coast Guard nikanselar na usab sa mga biyahe sa barko nga naglakip sa Surigao, Agusan , Dinagat Island , Eastern Samar ug tanang biyahe sa Bohol human napaubos sa typhoon warning signal ang maong mga dapit .
Ubay-ubay ng mga pasahero ang natanggong sa pantalan sa Sugbu human gikanselar ang tanang byaye sa barko paingon sa Bohol sukad kaganinang buntag .
