Gipasakita sa usa ka inter-agency team nga luwas ang habagatan ug kinatibuk-ang lalawigan sa Sugbu gikan sa bisan unsang hulga sa terorismo.
Usa ka Inter Agency Tourism Stakeholders Security Summit ang gihimo sa lungsod sa Oslob kagahapon nga gitambungan sa mga opisyal sa Philippine National Police , AFP , Philippine Coast Guard,Department of Tourism ug mga lokal nga opisyal sa kalungsuran sa habagatang Sugbu.
Nitambong usab si Presidential Assistant for the Visayas nga si Michael Dino .
Gustong ipakita sa summit nga luwas ang habagatan ug kinatibuk-ang lalawigan human naapil kini sa travel advisory nga giluwatan sa United Kingdom.
Subay niini nagplano si OPAV Dino nga mosuwat ngadto sa UK. Aron pakisayran kung unsa usab ang gibasehan sa ilang travel advisory nga gilakip ang habagatang Sugbu .
Hinoon si Police Regional Office-7 nipasalig nga bisan ug way nadawat nga bisan unsang hulga sa seguridad ang Sugbu , nagpabilin ang hugot nga seguridad nga gipatuman sa kapolisan alang sa kaluwasan sa tanan .
