Suportado ni 2nd District Congressman Rufus Rodriguez ang sugyot balaodnon nga gisulong ni Senate President Pro Tempore Ralph Recto sa senado.
Kini kabahin sa pagdili nga himoong evacuation center ang mga tunghaan.
Matud ni Cong. Rodriguez, nga suportado niya kini nga sugyot tungod kay mawad-an og classrooms ang mga tunghaan ug mawad-an usab og classroom ang mga estudyante.
Tungod niini, angay lang nga mag-construct ang national ug city government og mga evacuation centers aron nga dili maapektuhan sa kalamidad ang mga tunghaan ug magtutungha.
Alayun niini, nag-request na si Congressman Rodriguez nga mabutangan og evacuation center ang Barangay Consolacion, ug uban pang barangay nga duol sa suba sama sa Barangay Macasandig, ug Nazareth.
Samtang mahimo usab nga dad-on ang mga biktima sa kalamidad, sa mga gitukod nga covered courts sa matag barangay.
Matud ni Congressman Rodriguez nga dili maayo nga mahikawan ang mga bata sa ilang pagtuon busa angay lang nga masuportahan ang maong sugyot.
Alang kang Cong. Rodriguez nga angay lang nga mahimo kining balaod aron nga mapugos ang mga local government nga mohimo sa mga evacuation centers.
