Malaybalay City, Bukidnon – Gi-uyunan sa Police Regional Office 10 ang sugyot nga body camera alang sa mga pulis.
Sa interview sa RMN Malaybalay ngadto kang PNP Regional Spokesperson PSupt. Lemuel Gonda, gibutyag niini nga dugay na nila kining gipaboran ang body cam sa mga pulis apan ang problema lang mao ang pondo tungod kay manginahanglan kini ug dako nga budget.
Matud ni Gonda nga maayong lakang kini aron mapakita sa publiko kung unsa ang nahitabo sa mga police operations.
Gidugang pa sa regional spokesperson nga kaniadto pa aduna nay naggamit niini ilabina ang mga special unit apan dili tanang pulis.
Una nang gisuygot ni Muntinlupa City Rep. Ruffy Biazon nga makabaton sa mga body camera ang mga pulis sa ilang mga operasyon.
Ang maong balaudnon ni Biazon human sa nahitabong pagpatay matud pa sa mga pulis sa Caloocan City sa 17-anyos nga si Kian Delos Santos atol sa gihimong drug operation.
