Pagadian City – Ipa-ilalom pa sa makuti nga pagtoon ang hangyo sa Department of the Interior and Local Government (DILG) ngadto sa Commission on Elections (Comelec) nga e-disqualify ang mga mokandidato sa 2019 midterm elections nga apil sa drug list.
Sa interview sa RMN DXPR Pagadian kang Atty. Jay Labador, ang Regional Director sa Comelec Zamboanga Peninsula, kinahanglan pa ang dakong debate una kini ipatuman , kay base sa balaod mamahimong gihapon nga magpapili ang usa indibidwal kun wala pa kini nakombikto sa kaso .
Dili matud pa mamahimong basehan aron did-an sa pagkandidato ang kopya sa narco-list nga gihuptan sa DILG ug Philippine Drug Enforcement Agency.
Mahinumduman nga sumala ni DILG Sec. Eduardo Año, muabot sa 250 mayor ang ilang iniimbestigahan gumikan sa corruption ug abuse of authority cases.
