SUICIDE | 17-anyos nga babaye ang gina-alegar naghikog sa Poblacion Ilaya banwa sang Dumarao!

952

Dumarao, Capiz- Isa ka 17-anyos nga babaye ang gina-alegar naghikog sa Poblacion Ilaya banwa sang Dumarao.
Mga takna alas 9:30 sa aga sang nasapwan na lamang sang iloy nga si Rosalinda Ricarte sang nasambitan nga lugar ang nagabitay nga lawas sang anak nga si “Rhodora Rose”.
Gamit sini sa pagkomiter sang suicide ang pisi nga ginhigot sa balayan sa nalikod nga porsyon sang ila poluy-an.
Nahibaluan nga ulihi nakit-an nga nagapanglaba ang biktima mga alas siete sang aga apang sang ini ang gintawag agud nga magpamahaw, wala na makasabat pa. Ginkakibot sang iloy nga ini ang nagakabit na sa balayan kag wala sang kabuhi.
Suno sa impormasyon, makapila na ka beses nga nagplano nga magpanginmatay ang amo nga biktima.
Ang biktima kag live-in partner sini nga si Arturo Vicente Daquipel ang masami nga nagabais bangod nga wala ang mga ini sang anak. Ginapatihan sang mga otoridad nga ini ang isa sa mga rason kun ngaa nag-komiter sang suicide ang biktima.
**(photo by: Correspondent Chris Billones

Facebook Comments