Davao City – Kakulangon sa social support sa duol nga kabanay, impluwensiya sa social media, ug hilabihang pag-invest sa relasyon ang nakitang factors karon sa Philippine Mental Health Association (PMHA) sa sunod-sunod nga suicide incidents dinhi sa syudad sa Davao.
Sumala ni PMHA-Davao chapter head Precious Manliguez, magdepende sa investment ug efforts sa usa ka tawo ang epekto sa panagbulag sa mag-uyab diin makaya sa pipila sanglit wala nila gihatag ilang kinatibuk-ang paghigugma ug adunay gibilin alang sa ilang kaugalingon apan aduna usay pipila nga dili makaya sama sa pagsalikway sa iyang pamilya kaniya batok sa iyang gidasonan nga gugma apan wala kini nagmalampuson.
“So dako siya og bearing na posible ang mahay sa tawo walay kabutangan kay siya man pod ang nag-invest ug walay nagpugos sa iya… basul ug failures ang posible nag push sa iya para magpakamatay,” tawtaw niini.
Busa gi-awhag karon sa PMHA-Davao ang tanang barangay officials sa tulo ka mga distrito sa dakbayan nga makigkoordinar sa ilang buhatan alang sa mental health awareness sessions sa ilang ginsakpan pinaagi sa libreng seminars aron usab mapasabot ang importansya sa mental ug emosyunal nga aspeto sa tawo diin kini alang usab sa kaayuhan sa katawhan.
RadyoMaN Jason Amisola
