General Santos City—Patay nang nakaplagan sa iyang anak ang usa ka 91 anyos nga lolo human niining giunay ug dunggab ang iyang kaugalingon sulod mismo sa panimalay sa iyang anak sa may Purok Ali, barangay Kalabanit, Glan, Sarangani Province niadtong nakalabayng adlaw.
Biktima giilang si Cesar Abasola, 91, residenti sa Sitio Calabalul, Barangay Tapon, Glan, Sarangani Province.
Nasayran nga nakaplagan ang biktima nga adunay samad dinunggaban sa iyang tiyan ug duna pay hiwa gamit ang kutsilyo ang iyang pulso nga bahin.
Subay sa pahayag sa anak sa biktima nga si Edeth Satura nga ayha nakaplagan ang patayng lawas sa iyang amahan, daan na kining nag sulti nga gikapoy na kini sa iyang kinabuhi.
Basi usab sa gihimong imbistigasyon sa kapulisan wala silay nakit-an foul play sa kamatayon sa maong lolo tungod wala may nakit-an timailhan nga gituyo ug patay ang nasangpit.
Sa karon ang patayng lawas sa biktima ang gipahiluna na sa iyang pamilya.
