Suliran sa trapik maalibyuhan sa pag-abli sa tuganay bridge ug mas lig-on pa sa relasyon sa KathNiel — Site Manager

Davao City – Natapos na ang dugay nga pagpaabot sa mga motorista kay hingpit na nga giablihan karong adlawa ang Tuganay Bridge kun giila sa mga motoristang ‘longest bridgesa Mindanao’ sa Brgy. Tuganay, Carmen, Davao del Norte.

Gipahigayon ang bridge lane opening karong adlawa, Disyembre 7,2023 ug natapos na gyud ang replacement ug construction sa daang tulay nga gisugdan niadto pang Marso ning tuiga.

Gitambungan ang seremonyas sa mga kadagkuang opisyales sa Department of Public Works and Highways 11, Davao del Norte 2nd District Congressman Alan Dujali ug uban pang mga local officials.

Sa interbyu sa RMN Davao kang Dan Symon Paglinawan, LICSAL Construction Corporation Site Manager, maagian na ang three-lane nga Southbound portion sa Tuganay Bridge.

Segun niini dugay man kining nahuman mas lig-on pa kini sa relasyon sa famous celebraty couple nga KathNiel o Kathryn Bernardo ug Daniel Padilla nga bag-ohay ra nga nagbulag.

Para kang Paglinawon dakong tabang sa mga motorista kini mga tulay sa pag-decongest ug pagluag sa dagan sa trapiko.

Nagpasalamat kini sa pagsabot sa katawhan ug lauman usab nga mahuman sa 2025 ang usa ka phase sa pikas lane.

Mokantidad sa P211-Miliion ang Tuganay Bridge Project.

RadyoMaN Aimee Guinita