*Sa pakighinabi sa DXDC RMN Davao sa Sulop MPS pinaagi kang Chief Investigator Police Staff Sergeant (PSSG) Wendell Pasanting, subay sa follow-up report, giingon niini nga walay kamatuoran nga gituok sa anak nga 39 anyos nga si alyas Kalong ang iyang inahang 72 anyos nga si alyas Lena. Kahinumduman nga sa unang report sa kapulisan, subay sa saysay sa apo, giingong nakit-an niini nga gituok sa anak ang inahan butang nga ilang giklaro.*
*‘‘Dili tinuod (nga gipatay sa anak ang iyang inahan)… According sa pag-conduct og post-mortem examination (autopsy)… gi-explain sa doctor, walay foul play nga nahitabo… wala silay away, ang iyang mama bed ridden na… that time daw mga hapon, kusog ang ulan, gikuanan og habol ang iyang mama basin matuluan og ulan, unya basin na-misinterpret sa bata nga nag ingon siya (nga gituok sa anak)… gihikap sa anak ang iyang mama kung buhi pa ba kay bed ridden naman gud to,’’ saysay ni Pasanting.*
*Dugang sa imbestigasyon nga saysay sa mga silingan nga palahubog ang anak ug niadtong tungora nakabuhi kini og pulong nga iyang gipatay ang iyang inahan butang nga gitino karon sa otoridad. *
*Sa karon, gikatakdang pagawson sa prisuhan ang anak kinsa gidakop human sa unang nadawat nga report. Matud sa imbestigador nga nag-file og Affidavit of Desistance kun di na interesado muduso og kaso ang pamilya batok kang alyas Kalong.*
*RadyoMaN Renz Barbarona *
*tags: DXDC 621 RMN Davao *
