Davao City-Ang insidenteng kamatayon sa 17 anyos nga Grade 11 student sa Caloocan nga si Kian Lloyd delos Santos angay nga himoon natong ‘wake-up call’ haron kitang tanan mahigmata sa kagrabe sa droga ug sa posibleng dili maayong sangpotan niini diha sa tagsatagsa nato ka mga kinabuhi.
Nadunggan nato ang tingog sa atong mga awtoridad kinsa hugot nangatarongan sa kalehitimo sa ilang kampanya ingon man nabatian usab nato ang mga mulo ug sentimyento sa mga tagtungod ug sa ilang mga symphatizers kinsa nangulipas ug maayo sa Duterte new drug war reloaded.
Gustohon man nato’s sa dili, we cannot ever hope to please everybody in this very controversial war versus narcotics.
Adunay gayuy malipay apan aduna usay dili mahimuot sa pamaagi kun istilo sa naasoyng kampanya.
But whatever it is, usa ka butang ang klaro ngari, klaro pa’s naglagiting nga sidlak ni Haring Adlaw:
Dili pwede nga wala kitay buhaton, wala kitay himoong tugbang-aksyon sa usaka epidemyang daw kanser na nga nilamoy sa nagkadaiyang parte sa lawas sa katilingban.
Angkunon nato nga may mga higayun nga dili pwedeng paracetamol, simpleng analgesic o antipyretic kun band-aid solution lamang ang angay tomaron.
May mga higayun diin kita hagiton gayud sa panahon nga molusad sa major surgery haron haw-ason ang pasyenteng si Pilipinas gikan sa Intensive Care Unit.
Moabot gayud ang mga higayun diin daw kinahanglan nato ang mas halawom nga kumbate haron ma-exorcise nato ang dautan nga daw nigahum sa kahiladman sa tawo haron mohimo sa mangtas nga bisyo ug krimen.
Kasamang June Duterte
