Davao City – Maanindot, dalaygon ug napapanahon ang gikasugyot nga All-Gender kun Neutral Restrooms o CR sa ngalan sa paghatag ug konsiderasyon niadtong mga lungsuranon kinsa lahi ang ilang sexual orientation & preferences.
Kun tugtan sa budget ug pondo, nganong dili man magtukod ug pinasahi nga CR alang sa atong mga kaigsoonang LGBT?
Alang nako, paghatag lamang kini ug katumanan sa atong lokal nga ordinansang hugot nagdili sa practice nga pag-discriminate kun pagpihig kontra or batok niadtong mga tawong lahi ang ilang personalidad kaysa mayoriya sa atong mga lungsuranon.
Wala kini nagpasabot nga gi-tolerate nato ang third sex: No, far from it. What I mean to say is that naa na man gyud nang realidad sa mga bayot or tomboy, nganong dili man nato tugtan nga tunolan sila’g ilang kaugalingong diyutay’ng pasilidad diin adunay pagtratar sa ilang dili kasarangang sekswalidad.
Ikaduha, I believe it speaks about our attitude towards those who do not conform to society’s common norms on morality and manners. Usa kini ka testing ground kun hangtud asang dapita nato kayang mopadaplin sa atong siradong panghunahuna nga gigamhan sa diskriminasyon kontra niadtong mga nilalang kinsa sahi ra ang ilang pagkatawo o naturalesa kaysa kadaghanan.
Ikatulo, higayon usab kini nga palapdan pa nato ang atong mga regulasyon kontra diskriminasyon ug paghatag nato’g bili sa probisyon nga nagdili kanato sa paghikaw ug konsiderasyon sa uban ‘by reason of gender, race or religion.’
Gani, suportado usab nako ang ideya nga there should be separate restrooms alang sa atong mga kaigsoonang Persons With Disability kun PWDs agi’g paghatag ug konsiderasyon sa ilang espesyal nga kahimtang or sitwasyon-panglawas.
RadyoMaN June Duterte
