Davao City – Kun ako si Gen. Bato dela Rosa, dili ko magpadala sa negatibong impresyon sa 73% nga gi-survey sa SWS sanglit arang kadiyutay lamang kini sila nga pudyot sa 100 million kapin nga katawhang Pilipinhon.
Kun ako pa ang hepe sa nasudnong kapulisan, bahala mo diha kun dili mo motoo nga lehitimo ang among mga operasyon kontra sa pagkuyanap sa iligal nga drogas, basta kaming mga law enforcers nagbuhat lang mi sa gi-ekspektar kanamo sa katawhan ug sa pamunuan.
After all, our mandate is to all Filipinos – not only to those who have kept and maintained a different, contravening opinion about the integrity of our anti-drug campaign and crusade to restore order in the lives of millions of citizens destroyed and mangled beyond recognition by the monster we call drugs.
Apan kun ako usab ang pangulo sa nasudnong kapulisan, akong paningkamotan nga walay extrajudicial killings kun EJKs nga manghitabo bunga sa drug war: That should be non-negotiable.
Akong panegurohon nga sa pag-implementar sa among mandato, dili kami maoy unang mosupak sa termino sa balaud.
Nga kun man ugaling may mga higayon nga kami mapugos sa pagkablit sa gatilyo sa among rebolber ug pistola, buhaton lamang kana namo kun mismong ang amo nang kinabuhi ang mabutang sa tumang kaala-otan ug kun kami anaa na diha sa bung-aw sa ciertong peligro ug disgrasya.
RadyoMaN June Duterte
