Davao City – Dalaygon ug angay suportahan ug pamarisan ang tumong ug tuyo sa gobyerno nga pulihan na ang mga karaan, karag-karag, kagang-kagang ug gikalawang na’g maayo intawon nga mga PUJ units nga naga-nabigar gihapon sa mga kadalanan sa atong syudad, rehiyon ug nasud.
Karon na gayud ang ensaktong panahon aron ang naniguwang na sa pagpangalagad sa katawhan sama nianang mga AC jeeps sa 1960s ato nang i-retire ug papahulayon aron hatagan na usab og higayon ang mga mas bag-o ug mas modernong klase sa panakayan nga sila na sab ang manerbisyo sa tawo.
Kinsa ba gud ang wala mangandoy nga mausab na ang estado sa atong gikonsidera nga pinaka komon nga public conveyance?
Kita man tingaling tanan ang nalipay human nasayran ug nadunggan nga ang mga mopuli nga yunit kining gitawag nga Euro 4 kun electronically and environmentally-inclined public transportation vehicles nga mas luwas kontra polusyon ug mga road crashes?
Ako gani nahimuot human mabalitaan nga diay ang bag-ong mga sakyanang de pasaheroan i-require usab nga magbaton na ug mga speed limiter, CCTV cams, dashboard cameras ingon man GPS services. Pagkaanindot niana,dili ba?
Apan nianang tinguhaa, angay ‘tang maghinayhinay: Basin unya sa atong pagdali-dali nga mamuli ug bag-ong behikulo, daghan na unya ang makulban ug kaldero nga diin nagsulbad ta’g problema apan nagmugna na hinoon kita’g lain or bag-ong dilemma.
Naa na ko diha: Modernization but let us do it cautiously, in a gradual and calibrated mode or fashion aron wala ‘tay basulay.
But one thing is non-negotiable: Mag-modernize na gyud ‘ta haron dili ta mabiyaan sa ubang nagprogresong mga kanasuran sa kalibutan.
RadyoMan June Duterte
