Davao City- Alang nako, gikinahanglan nato ang usaka mekanismo kun sistema diin protektado gihapon ang yanong tawo gikan sa pagpasulabi kun pagpang-abusar niadtong mga ‘state actors’ kun mga naggunit sa poder sa gobyerno.
Responsibilidad sa estado nga panalipdan ang mga walay hibangka-agan, way ikasarang ug kadtong walay nahut intawon diha sa pagpanalipod sa ilang mga katungod.
Apan bantayan nato nga sa paghikutar sa maong sagradong katungod, dili kini magamit nga alibi sa mga kalaban sa pamunuan aron gamit ang rekursos sa gobyerno, unayon lamang nila’g atake si Pres. Rodrigo Duterte tinukmod sa political motive or agenda sa mga anaa sa political opposition.
Ang maayong buhaton ni CHR Chair Chito Gascon mao ang pagsumiter gilayon sa iyang ‘irrevocable resignation’ gikan sa pamunuan sanglit dili man gayud maayo nga supakon niya ang tumong sa administrasyon from the inside.
Ang iyang pagbiya gikinahanglan sanglit gidudahan na man ang iyang objectivity ug ang iyang integridad sanglit nabahiran na man siya sa bulok-pulitikal – he being an appointee or a protégé of the previous Malacañang occupant, Benigno Simeon Aquino III.
Kasamang June Duterte
