Davao City – Angay lamang gayud kitang mabalaka niining isyu karon kalambigit sa bakuna pangontra sa makamatay nga matang sa balatian nga dengue.
Angay lamang kitang mopadayag sa atong concern ilabi na sa ninggawas nga isyu diin delikado ang gi-inject nga dengvaxia sa Department of Health gumikan sa kakulang sa mga full certification sa mga health authorities nga luwas kining gamiton.
Nigawas karon nga anaa pa diay sa clinical trial stage ang maong vaccine sa dihang gi-aprobahan sa kanhi Aquino administration ang dengvaxia, rason nga magduda na hinoon ang tawo nganong gipamugos man sa kanhi-ay nga rehimen nga wala pa man diay kadto ma-cierto nga ready for public utilization na.
Nigawas karon nga ang nabatonan lamang sa tiggama niadtong tungora mao ang gitawag nga ‘conditional recommendation’ nga pwede siyang ipang-inject apan sa mga ‘high-risk and vulnerable areas or localities’ lamang diin taas ang incidence sa dengue infiltration.
Mas nisamot ang akong kabalaka sa dihang nilutaw usab ang isyu nga adunay posibleng nakakwarta sa P3.5B dengue mega vaccination program, butang nga angay kondenahon sanglit ang salapi gigamit sa pag-purchase sa bakuna gikan man sa savings sa kaban sa atong nasud – buot ipasabot kwarta sa tawo nga kun tinood ang kadelikado niini, mao ra usay gigamit aron unayon ug patay ang atong mga kabatan-onan, daw gigisa ‘ta sa atong sariling mantika!
Pagka-salawayon nga binuhatan! Angay lamang gayud nga kadtong nagpasiugda kun pagpasimuno niini ibalhug sa bilanggoan, ipakaon sa tirong or bin ba kaha maoy unang tuslokan sa bakuna aron mahuwasan sa ilang kabuang!
RadyoMaN June Duterte
