Davao City – Mas maayong sugdan nato ang paghinlo sa atong burukrasya gikan sa impluwensiya sa bisyo sama sa iligal nga droga diha sa nagsingabot nga May 14 synchronized Barangay & Sangguniang Kabataan elections.
Husto ang pagbalitok nga desisyon sa presidente nga tun-an usa sa mas halawom nga pamaagi ang mamahimong implikasyon sa expose kun disclosure sa mga pangalan niadtong nahilakip dinha sa gikaintapan ug gikahadlokan sa tanan nga drug kun narco list sa Duterte administration.
I believe in the time-honored wisdom: The end does not – will not – justify the means. Matuod gayud nga husto ug moral ang atong tinguha nga salbaron ang entero panggobyerno gikan sa mga tawong daut ug liki nga posibleng makapwesto gamit ang kwarta, koneksyon ug popularidad, apan ang balaud nagtagana sa ‘presumption of innocence’ sa mga gi-alegar, ‘rule of law, due process of law and equal protection of the laws.’
Ang mas maayong buhaton mao nga kutob sa anaa sa narco list ikiha na gilayon ngadto sa hukmanan kun lig-on ang ebidensiya kontra kanila ug didto na sila manalipod sa ilang kaugalingong pagka-inosente: Dili sa media haron atong kalikayan ang gitawag nga political witch hunt, black propaganda ug pure harassment.
Ngadto sa mga managanay sa eleksyon 14 diyas gikan karon, haiy mas maayong unhan na ninyo ang mga awtoridad pinaagi sa pagpailawom sa inyong kaugalingon sa voluntary drug tests aron aduna kamoy ikapakita nga klarong dokumento diha sa entablado nga kamo dili adik ug dili supporter sa mga drug personalities.
Remember: If you have nothing to hide, you have nothing to fear. If you have nothing to fear, then you have nothing to hide at all.
RadyoMaN June Duterte
