Davao City – It is not for us to judge our fellowmen: Ang 1987 Philippine Constitution nagtagana sa konkretong mga probisyon nga nanalipod ni bisan kinsa kontra sa mga pagpanghuraw kun pagpang-harass lamang nga klase sa mga alegasyon ug akusasyon.
Atong basahon ang Article III Bill of Rights, Section 1: ‘No person shall be deprived of life, liberty, or property without due process of law, nor shall any person be denied the equal protection of the laws.’
Section 14 Paragraph 1: ‘No person shall be held to answer for a criminal offense without due process of law.’
Paragraph 2: ‘In all criminal prosecutions, the accused shall be presumed innocent until the contrary is proved, and shall enjoy the right to be heard by himself and counsel, to be informed of the nature and cause of the accusation against him, to have a speedy, impartial, and public trial, to meet the witnesses face to face, and to have compulsory process to secure the attendance of witnesses and the production of evidence in his behalf…
Oo, dalaygon tuod ang atong katuyuan nga alkontrahon sa taman ug sa hingpit ang iligal nga drogas diha sa atong mga kabarangayan apan dili usab nato pwedeng basta-basta lamang nga ipadaplin ang mga safeguards kay basin unya ug adunay sayop nga mga entries nga maluwatan.
Ang pag-anunsyo sa DILG, PDEA ug PNP sa narco list makonsidera nga ‘trial balloon’ kun ‘pilot testing’ kun ang mao bang istratehiya batok sa illegal drugs mosalir, makabarug sa iyang kaugalingong legalidad ug moralidad ug kun kini ba nga istilo madawat sa tawo ug sa sosyedad.
Apan dili kini pwedeng siya-siya ra: Angay nga back-upon kini sa igong lig-ong mga ebidensyang magduot gayud ug mag-establisar sa kamatuoran nga ang mga pangalang anaa sa talaan positibo ug kumpirmadong nahilambigit sa buhat nga dinautan.
Ang sangpotanan gayud niining tanan dili ang plataporma sa media or sa kampanya: Ang sangkoanan niini mao gayud ang hukmanan kinsa ubos sa atong balaud, siya kadtong adunay klarong mandato nga mobista ug mohukom.
RadyoMaN June Duterte
