Davao City- Sa tinood lang, gibati ug kahasol ug kabalaka ang mga taga-Davao ug ubang pang mga kababayan nato ning labing ulahing expose sa kalakaran kun modus operanding korapsyon sa Customs Bureau sa nasud.
Ug samtang nagka-init ang isyu ug hisgotanan sanglit sundan man ugmang adlawa ug lain na usab nga Senate investigation and maong alegasyon sa ‘tara’ kun subornohay sa pag-smuggle ug mga kontrabando, mas maayo tingali kun ang mga opisyales nga ginombrahan sa expose ni broker Mark Taguba nga motingog ug mopatin-aw sa ilang kabahin sa isyu.
Dili usab maayo kun ang tanang pakisusi himoon lamang sa nataran sa Kongreso sanglit daku ang purohan nga sakyan kini niadtong mga bright boys aron ipursigi ang ilang political agenda.
Pwede usab nilang i-konvertir ang hawanan sa balay-balauranan nga convenient forum alang sa ilang political circus and grandstanding bahala na’g alegasyon pa lamang ang tanan basta kay maka-una sa away sa propaganda.
Kun dili man gud kita mag-kwidaw, posibleng masikwate kining tanan pinaagi lamang sa istratehiyang ‘trial by publicity.’
Angayan natong ikalipay ang pag-vigilar sa katawhan sa hisgotanang korapsyon sanglit kini nga salawayong binuhatan usa ka dakung babag sa kalamboan sa nasud pinaagi sa pagkawat sa kun unsay angay nga iya sa yanong mga lungsuranon.
Apan dihang dapita, magmabinantayon kita nga dili ‘ta ma-shot sa kabo.’ What I mean is, nga magma-igmat kita nga dili magamit sa mga tawo kun pundok sa tawo nga nagtenir sa hidden agenda, ulterior motive or lahi nga katuyuan apan gisakyan lamang ang lehitimong mga panghitabo o katikaran.
It is one thing to serve the public’s interest: It is another thing to kidnap or shanghai a valid undertaking such as a legislative inquiry on alleged corruption in order to use it to destroy government and bring this country to the dogs.
Kasamang June Duterte
