Davao City – Adunay panultihon nga nagkanayon: If we keep doing the same
things over and over again and expect different results, we’re dead wrong.
Kun padayon kitang magpahigayon sa susamang mga aksyon kun sirkumstansya
sama sa hitabong sunog ug uban pang kalamidad ug maglaum sa sahi nga
sangpotanan, nan nasayop kita.
Atong napamatud-an nga kun hitsas ang tawo sa igong kahibalo ingon man
kahimatngon kun awareness diha sa pagpanalipod sa kaugalingon gikan sa
damyos ug kamatayon mugna sa sunog, daku gayud ang tsansa ug purohan nga
makalingkawas kita sa peligro ug perdisyon.
Apan kun haguka ang atong pagpangandam, nan kandidato gayud kitang tanan sa
dautang sangpotanan.
Kun ang mga taga-Bureau of Fire Protection hugot ug seryosong magbantay sa
mga fire safety standards requirements, at least makaseguro kita nga kun
man ugaling mo-ulbo ang sunod nga kalayo, may ikadepensa kita pinaagi sa
mga life-saving protective measures sama sa fire alarm system, water
sprinklers, fire hydrants, fire trucks, fire brigades and volunteers sa
matag opisina or balay-pamatigayon, makaginhawa kita bisan pa man taliwala
sa nagdilaab nga sunog.
Kun dili sagulan ug binuang sugod diha pananglitan sa pagpamalit nato sa
minilyon ka pesos nga kantidad sa mga fire trucks abroad, aduna gayuy maayo
unya kita nga mapupo.
Apan kun saktan nato’g sinindikatong buhat ang usaka importante ug kritikal
kaayong panginahanglan, kinabuhi maoy tugbang unya niana.
Kun ang atong mga fire inspectors mosugot nga sila bayran aron himoon
lamang ang ‘table inspection’ sa mga ‘sunogable’ nga edipisyo, dili nako
matingala pa nga sa sunod fire incident, mag-ihap na usab unya kita’g
inosenteng kinabuhi.
RadyoMaN June Duterte
