Davao City – Dakpan sa drug buy bust operation ang duha ka mga suspek sa
dihang nakig-transact kini sa nagpaka aron ingnong buyer niadtong adlawng
Biyernes, Marso 16 bandang alas 5 sa hapon.
Mga dinakpan naila nga ila si Jev Olivar Gera , 19 anyos, usa ka estudyante
ug residente sa may Spring Vill Maa ning siyudad ug si Jeaky Obenza
Corgio, 20 anyos ug residente sa JP Laurel Ave. ning siyudad.
Ang maong operasyon gipangunahan sa station commader sa Talomo PNP nga si
PCI Ronald Lao ug nakig koordinar kini sa kapulisan sa San Pedro ug ngadto
sa Philippine Drug Enforcement Agency (PDEA) XI.
Nakig-transact matud pa ang mga suspek diha sa may dalang Bonifacio ngadto
sa poseur buyer sa usa ka paketeng pinaugang dahon sa Marijuana bugti sa
salapi nga 500 ka pesos.
Sa dihang nahuman nila ang transakyon didto na gipangsikop ang mga
suspetsado.
Nakuha gikan sa mga dinakpan ang lain pang lima ka mga ziplock nga
transparent plastic sachet nga adunay sulod nga mga dahon sa Marijuana,
cellphone ug bust money nga 500 ka pesos.
Mag atubang og kasong adunay kalapasan sa RA 9165 kun Comprehensive
Dangerous Drugs Act of 2002 ang mga dinakpan.
RadyoMaN Paul Canono
