Davao City- Ugmang adlawa, subling makit-an sa katawhan ang kalig-on ug kahimsog sa atong demokrasya pinaagi sa pagtahud kun pag-respetar sa katungod nga mosulti, madunggan ug mopadayag sa gibati ingon man gimbut-an sa katawhan.
Dawat sa mga nangulo sa administrasyon karon nga ang kagawasan mas labing mahukmanon gayud ubos sa gitawag nga ‘majesty of the law’ where the law is considered paramount ug nga ang pagdangop diha sa kalsada aron ipasibaw ang mga mulo, yangungo ug sentimyento sa malinawon nga pamaagi usa ka katumanan sa maong sagradong katungod.
Apan angay masabtan ug madawat sa tanan nga usa ka rekwisito kun talamdan angay sundon ug gikinahanglan nga dili gayud mabakli: Nga sa pag-exercise sa naasoyng kagahum sa tawo, hinumdoman gayud nga dili kini matigayon pinaagi sa pagpasakit ni bisan kinsa – partisipante man or dili sa mga lihuk ug martsa-protesta.
Ang Artikulo Tres, Seksyon Cuatro sa atong batakang balaud maoy giya natong tanan alang sa patas ug maki-angayong katilingban. Kun lig-on ang atong demokrasya, kaantigo kini nga mohatag ug halapad nga kahigayunan niadtong mga kritiko ug supakero diha sa pagpadayag sa ilang oposisyon sa mga palisiya ug aktibidad sa presenteng rehimen. This is what democracy is all about.
RadyoMan June Duterte
