Davao City – Husto si Ms. Earth 2017 reigning queen Ms. Karen Ibasco: It is not climate change that threatens the world today – it is us and our apathy, indifference, negligence and ignorance that still render us all vulnerable to the next storm surge, the next rampaging flashflood, the next big earthquake or the next man-made or natural calamity.
Tama si Sir Prime Cruz, ang atong higala sa grupong KABALIKAT CIVICOM nga dili teknolohiya or sistema ang suliran kon dili ang atong kostumbre kun batasan: Wala man magkulang ang atong gobyerno sa ensaktong mga pasidaan, kita lang gyud tingali ang adunay apan.
Kay maskin pa’g kapila warningan nga dili lagi ‘ta magbalay ilawom sa tulay ug daplin sa kasubaan ug daplin sa kadagatan kun mga baybayon, naa lang gihapon ‘ta nag-estar daw sa wa-ay.
Pila pa ba diay ka kinabuhi ang gikinahanglan natong i-ula ug ihalad sa altar sa disgrasya antes pa ‘ta mahimasmasan sa atong kabuang, kinaiya ug pagmagahi sa ulo?
Pila pa man diay ka mga grabeng bagyo ang angayang mokunsad ngari una pa man kita mag-seryoso sa mga balaud alang sa pagpanalipod sa katawhan sama sa ‘No Build Zone’ diha sa kanhi-ay gilampornas ug maayo sa naghaguros nga mangtas nga tubig-baha, storm surge kun ‘daluyong’?
Pila pa ba ka mga kalamidad ang gikinahanglan natong masinatian una pa man tinod-on sa atong gobyerno ilabi na sa mga urban planners niini nga did-an na ang pipila ka matang sa imprastraktura gumikan kay huyang ug haguka kini ug dili maka-comply kun makatuman sa National Building Code of the Philippines?
Kita ang tagsala niining tanan ug anihon lamang nato ang masakit nga bunga sa atong pagpabaya ug sa atong kakulang sa hinanaling pagtagad sa mga butang nga posibleng mokutlo sa atong kinabuhi – kun wala kitay hustong aksyon nga pagabuhaton karon.
RadyoMaN June Duterte
