Davao City – Ang bang-ong mando ni Mayor Inday Sara diha sa ‘Lingap’ coverage husto lamang aron ipadangat ang mensahe nga kun magtinarong kita, walay rason nga dili kita tunolan sa gobyerno sa husto ug hinanaling ayuda kutob sa maabot sa mga rekursos niini.
Pagpahigmata usab kini ngadto sa tanan ‘that crime does not pay,’ nga kun magbinugoy ug maghimo ka sa dautang buhat, dili Lingap ang angay itunol ngadto kanimo kon dili posas!
Kay ngano man kunong hatagan man nato ug special treatment or insentibo kun reward ang mga kaaway sa estado ug mga tawong gahi’g ulong wala ganiy pagrespetar sa mga balaud sama sa simpleng traffic regulations nga sa tinood lang, dangan man kini sila sa atong katilingban?
Kini sila maoy nagbutang kanato sa tumang kapeligro ug disgrasya nga gani, bisa’g wa ‘tay labot sa ilang kabuang, madamay pa gayud intawon ang sibilyan.
Husto kini nga balaud, wala koy nasiplatang sayop kun sami niini nga kalagdaan sa batan-ong inahan sa atong dakbayan. Kun gusto kita’g asistinsiya-medikal or bin ba kaha pinansiyal gikan sa kaban sa syudad, nan ipakita nato nga kita angayan kun kita deserving, dili kay kita na hinoon ‘tong una pa’s first sa kabuang, mao pa hinoon ang sobra ka-demanding, sa tinood lang!
RadyoMaN June Duterte
