Suma Total sa Straight to the Point: Masa Masid

Davao City- Gidayeg nako ang kaaghop ug determinasyon sa atong mga law enforcers nga mangita’g tanang mga medyos ug mga pamaagi aron mas molampos pa ang kampanya sa gobyerno pagpukan sa iligal nga droga.

Apan daw dili ako makapaluyo ning labing ulahing istratehiyang pagpamutang sa mga drop boxes dinhang dapita sa mga provincial, city, municipal ug barangay halls alang sa mga anonymous tipsters kun informants kontra suspected drug personalities ug korap nga mga government functionaries.

Nabalaka ako nga inay mamahimong instrumento alang sa kalampusan sa anti-drug and anti-corruption campaign, basin una’y masakyan na hinoon kini sa mga kalaban sa mga paganombrahan sa listahang ihulog dinha sa mga drop boxes ug mosangpot sa trial by publicity, blackmail ug pagpangdaut sa atong pangalan ug bansagon nga atong gi-ampingan ug maayo latas sa katuigan.


Ngano, wala na ba diay kitay nahunahunaan nga mas epektibong taktika paggun-ob sa makinaryas sa droga? Are we running out of effective ideas to combat drugs?

Why not focus instead on going back to honest-to-goodness intelligence gathering gamit ang minilyon ka pesos nga intel funds, random drug tests ug uban pang naandang focus?

Nganong ipasa man nato sa yanong tawo ang kampanya batok sa padayong pagkuyanap sa illegal drugs?

Naunsa diay ta: Pag-angkon ba kini nga pildi ‘ta ug dili epektibo ang nagpadayon natong kampanyang Tokhang, Oplan Double Barrel Reloaded, Galugad or Greyhound ug uban pa maong diha na lang nato isangun sa tawo?

RadyoMan June Duterte

Facebook Comments