Davao City- Ning pag-selebrar karong adlawa sa kapin unom ka dekada nang pagpangalagad sa RMN Networks ngadto sa katawhan, tugting magpasalamat kami ngadto sa mga nahimong tipik ug kabahin sa atong sibyahanan latas sa daghang mga katuigan.
Daghan kaayong salamat sa atong mga suking tigpaminaw – batan-on, hamtong, lalaki, babaye, sa nagkadaiyang kabarangayan sa rehiyon – gumikan sa paghimo kanamo nga parte sa inyong inadlaw-adlaw’ng pagbakud sa kabuntagon, diha sa mga buluhaton sa matag adlaw ngadto na sa pagpahulay sa kagabhi-on, RMN gihapon ang anaa sa inyong kiliran: Thank you thank you so very very much from the bottom of our heart of hearts!
Salamat usab sa atong dose-dosenang mga corporate sponsors, partner-agencies and sectors and individuals of like mind for sharing our deep passion, our convictions and our advocacies, for helping us bring this station to the forefront, on your transistor radio, to your dining table, while en route to work, on the internet or right in the barangay through our direct engagement with the ‘Masang Pilipino’ or wherever you are – salamat sa kinasingkasing nga paghigugma sa radyong inyong mas gipili nga Number 1!
Sa atong mga panelists, mga bisita, mga resource experts nga nitampo sa inyong mga malantip ug undanong mga opinyon sa matag bitbit nato nga mga isyu, sa mabagang du-ot sa katawhang yano ug simpleng lungsuranon sa upat ka su-ok ning atong syudad, salamat kaayo sa inyong pagdawat kanamo.
Kami mangaliya sa Kahitas-an nga unta hatagan pa kita Niya sa mas mas daghan pang katuigan sa panag-uban uban sa kahanginan, kutob ngadto sa katapusang gutlo diin kita mag-inambitay alang sa pagpa-uswag ning atong pinalanggang yuta sa Mindanao.
Kaninyong tanan, usaka pagyukbo namo ngadto kaninyo sa inyong pag-uban kanamo sulod ning 65 anyos sa among kinabuhi. God bless!
Kasamang June Duterte
