Davao City- Mga kasama, tugti nga akong balikon ug paambit nganha ninyo sa akong gibasang editoryal niadtong Agosto 29 ning tuiga sa dihang gihisgotan nato pag-usab ang Roxas Night Market bombing incident denhe ning atong tulumanon. Ania ang atong panahum sa maong hisgotanan:
Usa ka tuig human ang masakit nga eksperyensya nato sa Roxas Night Market Bombing incident, may hustisya na kaha alang sa mga tagtungod ug biktima sa maong terroristic attack sa mga tawong gigamhan sa yawan-ong tinguha ug buhat nga dinautan?
Makita na ba nato sa unahan ang pagkab-ot sa kaangayan ug maseguro na kaha nato nga kutob sa naglaraw niadtong nilu-og nga buhat, mataral gayud sa hukmanan ug mabalhug sa karsel aron bayran ang sala nila sa katilingban?
Nakabarug na kaha ang mga kaigsoonan nato kansang kinabuhi giusab sa usa lamang ka mapait nga pagbusikad ug kasinatian ug sa usaka mapintas nga kapalaran? Have they moved on with their lives despite all the pain, all the sorrow and the loneliness in losing a loved one, a friend maybe, a family member?
Dili na kaha masubli pa ang naasoyng insidente? Wala na kahay laing inosenteng mapagan sa usaka aktibidad nga way hinungdan ug timailhan lamang sa kadautan sa dughan ug kasingkasing sa tawo?
Unsa kaha ang mga pagtulun-an nga mamahimo natong kapanaminan diha sa masakit ug mapait nga panghitabo sa Roxas Night Market? Tingali usa dinha mao nga ning kinabuhi-a, dili gayud nato matagna ang tanan maoy hinungdan nga salig gayud kita sa matag gutlo sa Kahitas-an nga iiway kita Niya sa dalan nga malisud haron mamahimong tunhay ang atong paglakat sa matag adlaw’ng tanan.
Ikaduha, dayag na lang nga aduna kitay dakung kargo ug responsibilidad nga magmabinantayon sa atong palibot: Dili nato isangun ang tanan sa kamot sa mga awtoridad, buhaton usab nato ang angayang tumanon sama sa pagpanglimbasog nga mahalikay kita sa peligro ug kadelikado.
Ug ikatulo, leksyon kini ngadto sa atong mga tinugyanan sa balaud nga dili ipadaplin ang tanang inpormasyong ilang masagap haron dili masubli nga malutsan kita sa mga terorista ug mga dautan gumikan lamang sa gitawag nga ‘failure of intelligence.’
When we run and cower in fear, the terrorists win the day. But we must be extra cautious: We must double, triple or quadruple our law enforcement visibility, we must upgrade our technical capabilities so that we may be able to track down, anticipate and eventually prevent the occurrence of various kinds of crime.
And may I add: Let us close our ranks versus terrorism: Let us not be afraid, let us trust each other no matter our religious, political or philosophical differences and above all, let us seek God’s Divine Hand to protect us always and forever!
Kasamang June Duterte
