Davao City – ‘Mens sana in corpore sano: A sound mind in a sound body.’
Kini maoy pangandoy nato nga mahitabo diin samtang atong gipaninguha nga mo-uswag ang nasud sa natad sa ekonomiya, pulitika ug uban pang areas of concern, tupad usab niana ang paglambo sa pisikal nga panglawas sa matag lungsuranon kay mag-unsa man unya ang progresibong nasud kun huyang, haguka, daut ug masakiton ang atong mga katawhan.
Kun himoon natong template kun basihan ang eksperyensya ug kasinatian sa mga nagmalamboon nga kanasuran, tino kaayo nga dungan sa pagsaka sa estado sa panginabuhi ug ekonomiya mao ang pagpalig-on sa physical development sa katawhan.
Maong mahinungdanon kaayo nga hatagan sa ‘highest prioritization’ ang sports development sa atong national agenda in terms of budget, attention, support and participation.
Kun buot natong sundogon ang mga sports superpowers sa kalibutan, dakung hagit kanato nga palig-onon pa ug dugang ang environment sa pagpakusog niini.
Hagit una sa nga tanan ngadto sa gobyerno nga hikutaron ang mas hataas nga ang-ang kun lebel sa sports proficiency pinaagi sa mas sustinido, all-year-round, round-the-clock, 24/7 ug 365 days a year massive sports training and development.
Kun mamahimo, mas maayong continuous ug nakatumod nganha sa barangay-level ang sports training sa daghang mga sports areas and disciplines haron maka diskubre kun makakaplag kita kanunay sa mga ‘emerging potential world-class talents, athletes and sports heroes.’
Kun buhaton nato kini, dili halayo nga makatupad na kita sa mga sports giants sama sa Singapore, China, Japan ug uban pa diin dili halayo nga ang Pilipinas maapil na diha sa mga paboritong sports mecca sa entero kalibutan.
RadyoMaN June Duterte
