Valencia City, Bukidnon – Gisulod sa mga sakop sa New People’s Army kon NPA ang Sumifru Compound nga nahimutang sa Barangay Tugaya, Valencia City kaniadtong Sabado sa buntag.
Sa taho sa Valencia City Police Station (VCPS) nga nakadawat sila ug tawag gikan sa mao nga kompanya kalabot sa presensiya sa mga NPA sa mao nga dapit ug dali usab nilang giresondihan.
Base sa ilang imbestigasyon, mukabat sa 23 kapin kon kulang ka mga miyembro sa NPA nga armado sa tag-as ug mugbo nga kalibre sa armas ang misulod sa Sumitomo Fruits Inc. (SUMIFRU) nga nahimutang sa P-5, Crossing Tugaya, Brgy, Tugaya siyudad sa Valencia.
Nisulod matud pa ang walo ka mga NPA sa guardhouse ug gikuha ang mga handheld radio nga nagkantidad kini ug P14,000.00.
Nagbutang usab ug streamer ang mao nga grupo nga nakasulat ang “Hustisya ug Kalinaw dili Martial Law.
Human sa panghitabo daling nisibat ang walhong pundok sa bukid nga bahin sa mao nga barangay sakay sa Elf Truck.
Sa karon, padayon ang ocular investigation sa kapulisan sa Valencia ug gipahugtan pa ang seguridad sa dakbayan.
