Davao City – Mokabat sa siyete gramos o kapin kun kulang P82,000 nga shabu nasakmit gikan sa usa ka sundalo ug asawa niini atol sa joint buy-bust operations sa Philippine Drug Enforcement Agency (PDEA-XI), 10th Infantry Division ug National Bureau of Investigation (NBI-XI) sa may Barangay Mankilam, Tagum City.
Mga suspects giilang sila si Staff Sergeant Ramil Alcano Edullantes, 46 anyos, nadestino sa 10th Infantry Division Philippine Army ug asawa niini nga si Flora Mae Edullantes.
Matud ni PDEA XI Regional Director Antonio Rivera, gikonsidera nilang High Value Target ang nadakpang sundalo kinsa hagbay na nilang ginasubay.
Kasong kalapasan sa Section 26 in relation to Section 5 ug Section 11 sa Article II sa Republic Act 9165 o Comprehensive Dangerous Drugs Act of 2002 ang isang-at batok sa mga dinakpan.
Gipanghimakak sa nadakpang sundalo ang alegasyong nalambigit kini sa iligal nga droga diin iyang giapangatarongan nga gipangtanum lamang ang mga drogang nakuha gikan sa iyahang posisyon kun ‘planted evidence.’
RadyoMaN Aimee Guinita
