Pagadian City – Prisohan ang gitugpahan sa usa ka opisyal sa sundalo human nadakpan sa gipahigayon nga drug buy bust operation sa kapulisan ning syudad sa Pagadian kauban ang elemento sa Provincial Drug Enforcement Unit ( PDEU) alas 11 kagahapon.
Gilusad ang Anti Drug Opeartion dihang dapita sa Brgy. Tuburan partikyular sa N Hotel diin nagluklok ang suspek nga nailhang si Cpl Lehamber Baclay Acosta alyas “Apong” aktibong sakup sa kamanduan sa Armed Forces of the Philippines, Philippine Army nga nadisteno sa Signal Battalion Army Signal Regiment ” Joint Task Force Basilan’.
Nagpatuo nga Poseur-buyer si P02 Michael James Banawa Odevilas nga maoy nakigtransak sa suspek diin dihang gitunol ni Cpl Acosta ang usa ka pakite sa shabu bugti sa usa ka libo pesos dali kini nga gipusasan.
Nakumpiskahan ang suspek og illegal drugs (shabu), nga balor P1000. Nasayran sa RMN Pagadian nga nagpositibo usab sa drug test ang maong opisyal sa sundalo.
Gikustodiya na karon sa Pagadian City Police Station Lock-up cell ang dinakpan samtang kasong kalapasan sa R.A. 9165 kun Comprehensive Dangerous Drugs Act of 2002 ang giandam batok sa mga suspetsado.
Picture Courtesy to Aude Hampong
