Sundalo, ginpusil an iya kainom nga ha iya pangitaan usa nga "aswang"

405

TACLOBAN CITY – Kasiring han sundalo nga aswang an iya kaistorya sanglit iya ginpusil an iya kainom ha Camp Detachment, Mahanagdong, Brgy. Tongonan, Ormoc City alas 12:30 han kaagahon kakulop, January 13.

Subay ha report han Police Regional Office 8, ginkilala an biktima nga hi Jomar Yubal, 24 anyos, usa nga CAA member, residente han Brgy. San Joaquin, Capoocan, Leyte.


Ginkilala naman an suspek nga hi SSgt. Aldrin Madrid, 37 anyos, may asawa, usa nga sundalo, residente han Brgy. Buenos Iris, Victoria, Northern Samar.

Nagawas ha inisyal nga imbistigasyon, nagtatagay hira Madrid ngan Yubal upod an duha pa nga miyembro han Cafgu ha nasabi nga kampo.

Nagkaada daw hin hallucination hi Madrid kun diin an iya pangitaan kan Yubal in usa nga “aswang” sanglit kumuha hiya hin pusil ngan ginpusil hi Yubal.

Patay hi Yubal samtang arestado naman an suspek ngan papasakahan hin kaangayan nga kaso.

Facebook Comments