General Santos City—gireklamo ang usa ka miyembro matud pa sa Joint Task Force Gensan ngadto sa buhatan sa Police Station 2 human matud pa niining gikulata ang iyang uyab nga usa ka negusyante.
Una nang midangop ang usa ka Alias Analiza, 42 anyos, usa ka negusyante ug residenti sa Barangay Sinawal ning dakbayan aron ireklamo ang iyang uyab nga sundalo nga si Adones Malinao, miyembro sa Joint Task Force Gensan ug residenti sa North Cotabato human matud pa syang gikulata.
Sumala sa sumbong sa reklamante ngadto sa kapulisan nga nag selos matud pa ang nasangpit nga sundalo. Gipasanginlan matud pa siya nga dunay laing uyab butang nga gipanghimakak usab sa nasangpit nga biktima.
Nakaangkon ug bun-og sa liog ug sa iyang bukton ang biktima ug gibaharan pa kining patyon sa nahisgutan.
Tungod niini nangayog proteksyon ang nasangpit ngadto sa kapulisan aron nga dili na sya subling mapasakitan sa iyang sundalong uyab.
