Sundalo, napusil-patay han babayi nga nakilala niya ha disco bar

3048

TACLOBAN CITY – Napusil-patay an usa nga sundalo ha sakob han usa nga hotel ha 6 street, Brgy. 12 Catbalogan City, Samar kakulop, July 7.

Subay ha report han Police Regional Office 8, ginkilala an biktima nga sundalo nga hi PFC Camelo Batoctoy, 31 anyos, may asawa, active member han Armed Forces of the Philippines (AFP) nga naka-assign ha 8th Infantry Division, Band company, Camp Lukban, Brgy. Maulong, Catbalogan City, Samar.


Nagawas ha inisyal nga imbistigasyon han mga otoridad nga nakilala han sundalo an 18 anyos nga babayi ha pier 1 disco bar ala 1:00 han kaagahon dida han July *7*.

Pag abot han alas 3:00 han kaagahon, nagkasarabot an duduha nga macheck-in ha usa nga hotel.

Ha oras nga alas 6:20 han aga, nasarit na an babayi nga mauli na ha ira panimalay pero an sundalo in waray tumugot, matapos an ira pag-istorya, gintutukan han sundalo hin pusil an babayi pero an babayi in nakig-agaw han mao nga armas nga nagresulta han tigda nga pagbuto han pusil ngan naigo an nawong han sundalo, nga amu an iya *igink*amatay.

Umaro hin bulig an babayi ha personnel han hotel.

Ha pagka yana, aada na an babayi ha kustodiya han PNP para han nagpapadayon nga imbistgasyon.

Facebook Comments

From Advertisers