Patay ang usa ka sundalo human nabanggaan sa Rural Transit Mindanao Incorporated bus mga alas 2:20 kagahapon sa hapon sa Diversion Road, Zone 1, Barra, Opol, Misamis Oriental.
Sa interview sa dxCC-RMN, gibutyag ni Police Master Sergeant Raul Roaya nga ang biktimang sundalo nailang si Corporal Eleuterio Desoyo Jr, 32 anyos, minyo ug taga Barangay Bayabas ning syudad sa Cagayan de Oro.
Sakay sa iyang motorsiklo si Corporal Desoyo sa dihang nabanggaan sa bus nga gimaneho ni Arnold Camacho, 47 anyos, minyo ug taga Zamboanga del Sur.
Gidala pa sa ospital ang sundalo apan namatay tungod sa naangkong samad sa kalawasan.
Facebook Comments
