[image: 42532579_1684674594991491_5361466370619867136_n.jpg]
Gikunsidera gihapon sa Philippine Drug Enforcement Agency 12 nga high value target si Sgt. Teddy Paltinca 42 anyos nga taga Pigcawayan North Cotabato ug nakabase sa 34th Infantry Battalion human kining nadakpan sa operasyon sa ilang ahensya.
Una nang gibutyag ni Kath Abad ang spokesperson sa PDEA 12 nga tungod ang suspek aktibo nga myembro sa kasundalohan og nagserbisyo sa gobyerno hinungdan usa ka high value target makunsidera si Sgt. Paltinca.
Kahibaluan nga parte na usab sa internal cleansing sa 34th IB ang maong operasyon sa PDEA 12 nga ilang gipahigayon pinaagi sa pagsilbi og search warrant gumikan sa pagkalambigit sa iligal nga droga sa maong sundalo.
Una nang nigawas ang pangalan sa maong sundalo nga notadong pusher og user sa iligal nga droga kung diin mokabat sa walo ka pakete sa gituohang shabu ang narekober sa panimalay sa suspetsado.
