Pagadian City – Unom ka sundalo ang patay apil na niini ang taga syudad sa pagadian samtang upat ang laing samaran sa una nang gikataho nga engkwentro tali sa tropa sa gobyerno ug Bandidong Abu Sayyaf sa Probinsya sa Basilan. Giila nga usa sa napatay si Jayson Sawit 35 anyos, lumulupyo sa Brgy. Sto. Nino ning syudad diin ang patay nga lawas gidala na sa iyang pinuy-anan.
Ang Moro Islamic Liberation Front (MILF), mitug-an nga sa lungsod sa Sumisip nahitabo ang “misencounter” tali sa kasundaluhan ug and MILF rebels.
Si Col. Juvymax Uy, commander of the Joint Task Group Basilan miingon nga ang tropa sa kasundaluhan mga sakop sa 18th Infantry Battalion nga naglusad og opearasyon batok sa Abu Sayyaf nga gipanguluhan ni Commander Siar Alhamsirol ug Parong Tedi sa Upper Cabengbeng.
Miabot sa upat ka oras ang engkwentrohanay sa bandido duol sa Basilan Circumferential Road sa municipyo sa Sumisip.
Gipamugos ni Mohagher Iqbal, MILF peace panel chair, nga walay Abu Sayyaf member ang naapil sa engkwentro.
Siya miingon nga ang MILF rebels sa Sumisip nakurat sa kalit nga pag-abot sa area sa kasundaluhan nga walay coordnasyon. Dili kini unang higayon nga ang MILF nakigsangaka government troops sa Basilan sa susama nga akusasyon ang pagkakulang sa coordination.
