Anaa pa sa talandugon nga kahimtang ang tulo samtang patay ang usa ka biktima sa pagpamusil nahitabo kini sa usa ka Planet Disco House, didto sa Don Andres, sakop sa lungsod sa Ipil mga 1:45AM niadtong adlawng merkules.
Ang biktima mao sila si PFC Gerald Jan Aujero Cordero, 27 anyos, nagpuyo sa Isulan, Sultan kudarat, CPL Seperino Randes Damacino, hingkod ang pangidaron, CPL Giovanie Diodor, 27 anyos pulos molupyo dinhi sa atong probinsya sa Zamboanga del norte, membro kini sa 53rd IB, PA, ilawom kini sila sa 102nd Brigade nga anaa sa Brgy. Sanito, Ipil.
Napagan usab ang usa ka sibilyan nga si Al Gerald Santos, 36 anyos nagpuyo sa lungsod sa tungawan.
Kasamtangan pa karon nga nagpa alim sa samad pinusilan ang tulo ka biktima didto sa De Villa Hospital.
Ang 53rd IB ug 102nd brigade lakip na ang mga pulis sa Ipil wala pa’y mahatag nga pamahayag kalabot sa maong panghitabo tungod matod pa usa kini ka sensitibo nga kaso.
Pero adunay migawas nga taho nga matod pa usa ka pulis ang mihimo sa pagpamusil tungod matod pa sa babaye sulod sa balay kalingan sa nahisgutan nga lugar.
Dugang pa, nga sa pagkakaron anaa na sa mga kamot sa kapulisan ang suspek samtang padayon pa ang ilang gihimong imbistigasyon aron molutaw gayud ang tinuod nga hinungdan sa maong panghitabo.
