Davao City- Nagkaenkuwentro ang tropa sa kasundalohan sa 16th Infantry Batallon tali sa membro sa Pulang Bagani Command 1 ilawom ni Ka Jinggoy Guerilla alas 11:40 sa buntag sa Sitio Banban ,Brgy Lumiad Paquibato District ning dakbayan sa Davao.
Subay sa report gikan sa Davao City Police Office, miabot og 40 minutos ang binakbakay ug kumpirmadong usa ang samaran nga mao si Private First Class Ryan Millet membro sa Charlie Company sa 16th IB Philippine Army nga nakabase sa Barangay Malabog Paquibato District.
Si Millet nakaangkon og samad pinusilan sa walang paa nga bahin ug padayong nagpaalim sa Camp Panacan Hospital ning syudad.
Matud pa samtang ang kasundalohan nagpahigayon og combat patrol clearing operation sa pagpanguna ni 1st Leutenant Ian Noel Calopez sa nasangpit nga lugar ilang gikasangka ang nahisgutang membro sa walhong kalihukan.
Ginasusi pa karon sa kasundalohan kun duna bay casualty o samdan tali sa rebelde.
Sa karon padayong gilusad ang hot pursuit operation sa 16th infantry batallon sa nahisgutang lugar.
RadyoMaN Don Pulayao
