Makita sa hulagway ang usa ka sundalong Manobo, kauban si Ferdausi Cerna ang Municipal Administrator sa Lungsod sa Talacogon Agusan del Sur.
Kining maong sundalo mao si Staff Sergeant Narding Pascual, usa sa mga awardees sa Metrobank Foundation, dakong garbo alang sa mga Lumad.
Sumala pa garbu sa 26th IB Phil. Army ang pagdawat ug pasidungog ni SSg. Narding Pascual, ang squad leader sa bravo company, isip Outstanding Filipino sa Non-Commission Officer category sa Metrobank Foundation.
Sigun ni LTC Rommel Pagayon, battalion commander sa 26th IB Phil. Army nga ilang girekominda si SSg. Pascual alang sa maong indigay tungod sa gipakitang maayung serbisyo niini isip sakop sa military.
Nakasentro ang serbisyo ni SSg. Pascual alang sa mga lumad didto sa lungsod sa San Luis, Agusan del Sur diin nakapatukod ang 26th IB ug eskwelahan. Nasayran nga usa usab ka lumad si SSg. Pascual.
Dugang pa ni LTC Pagayon nga sa sunod tuig magrekominda na usab ang 26th IB alang sa indigay sa Metrobank tungod sa daghang mga sundalo ang parehas ni SSg. Pascual.
