Sundalong nadakpan sa buy bust dili na konektado sa 10th ID

51

Davao City – Gikumpirmar karon sa 10th Infantry Division Philippine Army nga nag-absent with of leave ang sundalo nga nadakpan sa buy-bust operation nga gikasa sa Talomo PNP.

Matud ni 10th ID Spokesperson Captain Jerry Lamosao nga tuig 1999 nahimong sundalo si Paolo Plasabas alyas Bogart ug nadestino sa 6th Infantry Division Philippine Army.


Tuig 2002, nag-absent nga walay pananghid sa kadagkoang opisyal sa 6th ID si Plasabas maong nagpagula og kamandoan ang Headquarters nga itaktak na kini gikan sa serbisyo tungod sa pag-AWOL.

Apan tuig 2016, subling nagpa-enlist si Plasabas ug ubos sa palisiya sa armadong kusog sa pilipinas ang mga sundalong kansang na-discharge sa serbisyo gikinahanglan mupailawom og balik sa pagbansay.

Suma ni Lamosao, buwan sa nobyembre 2018 nagsumite matud pa si Plasabas og resignation letter sa 10th ID butang gilayon giaprobahan ang opisyal nga pagbiya sa serbisyo sa maong sundalo.

Busa gihimakak ni Lamosao nga aktibong sundalo pa si Plasabas dihang nasakuti kini sa operasyon kontra droga ug walay kamatuoran nga nag-aplay kini og sayo nga pagretiro sa pagkasundalo.

Apan bisan paman og dili na aktibong sundalo si Plasabas, ginatun-an gihapon sa 10th ID ang pagpasaka og administratibo ug lakip na pagsang-at og kasong kriminal gumikan sa pagpaka-ulaw niini sa AFP.

Dugang ni Lamosao, ang ingon niana nga binuhatan sa ilang mga sakop wala ug dili matud pa i-tolerate sa hut-ong sa mga kasundalohan sa Pilipinas.

Facebook Comments

From Advertisers